‘ఓనమాలు, మళ్ళీ మళ్ళీ ఇదిరానిరోజు, ఉంగరాల బంగర్రాజు’ లాంటి సినిమాలతో దర్శకుడిగా మిశ్రమ ఫలితాలందుకున్న క్రాంతి మాధవ్ .. ఇప్పుడు రౌడీ హీరో విజయ్ దేవరకొండ తో ‘వరల్డ్ ఫేమస్ లవర్‘ అనే ప్రేమకథాచిత్రాన్ని తెరకెక్కిస్తున్నాడు. కథకథనాల్లో ‘అర్జున్ రెడ్డి’ ఛాయలు కనిపిస్తోన్న ఈ మూవీ వేలెంటైన్స్ డే సందర్భంగా ఫిబ్రవరి 14న విడుదల కానుంది. ఈ నేపథ్యంలో ఈ మూవీ ప్రమోషన్స్ ను మొదలుపెట్టింది చిత్ర బృందం. ముందుగా ఇందులోని ఫస్ట్ సింగిల్ ను విడుదల చేశారు.
మై లవ్ అంటూ.. సాగే ఈ శ్రావ్యమైన గీతం ‘ఐ యామ్ సో క్రేజీ బేబీ లైఫ్ ఈజ్ సింగింగ్ లవ్ మెలోడీ‘ అనే కోరస్ తో ప్రారంభమవుతుంది. శ్రీకృష్ణ, రమ్య బెహరా ఆలపించిన ఈ యూత్ ఫుల్ సాంగ్ ను రహమాన్ రచించారు. గోపీసుందర్ సంగీత సారధ్యంలో.. ‘మై లవ్ మనసును మీటే ఏదో తియ్యని పాటే యదలో ఎపుడూ వినని యదలో ఎపుడూ జరిగే సింఫనీ.. ఐ ఫీల్ నౌ” అంటూ ఎంతో శ్రావ్యంగా సాగుతుంది ఈ పాట. ఈ లిరికల్ సాంగ్ వీడియో విజయ్ దేవరకొండ, రాశీఖన్నా రొమాంటిక్ స్టిల్స్ అండ్ సీన్స్ మీద సాగుతుంది. అంచనాలు పెంచుతోన్న ‘వరల్డ్ ఫేమస్ లవర్’ … వేలెంటైన్స్ డే రోజున ఎలాంటి మ్యాజిక్ చేస్తాడో చూడాలి.
లిరికల్ వీడియో కోసం కింద లింక్ మీద క్లిక్ చేయండి.
https://www.youtube.com/watch?time_continue=137&v=jmeR4bwhOtA&feature=emb_logo
