పవర్ స్టార్ పవన్ కళ్యాణ్ కమ్ బ్యాక్ మూవీ ‘లాయర్ సాబ్’ (వర్కింగ్ టైటిల్ ) ప్రస్తుతం సెట్స్ మీదున్న సంగతి తెలిసిందే. బాలీవుడ్ సూపర్ హిట్ ‘పింక్’ రీమేక్ గా తెరకెక్కుతోన్న ఈ సినిమాకు వేణు శ్రీరామ్ దర్శకుడు. బోనీ కపూర్ తో కలసి దిల్ రాజు ఈ సినిమాను కమర్షియల్ అంశాల మేళవింపుతో నిర్మిస్తున్నారు. ఇదే సినిమాను తమిళంలో బోనీకపూర్ అజిత్ హీరోగా ‘నేర్కొండ పార్వై’ గా రూపొందించి ఘనవిజయాన్ని సాధించారు. దర్శకుడు హెచ్.వినోద్ హిందీ సినిమాకు చేసిన మార్పులు చేర్పులు బాగా వర్కవుట్ అయ్యాయి. సరిగ్గా అదే పేట్రన్ ను పవర్ స్టార్ ‘లాయర్ సాబ్’ కు అనుసరించనున్నారట.
ఇక తాజా సమాచారం ప్రకారం ‘లాయర్ సాబ్’ చిత్రాన్ని మే 23న విడుదల చేయాలని దిల్ రాజు భావిస్తున్నాడట. పవన్ కళ్యాణ్ వీలును బట్టి.. ఈ సినిమా చిత్రీకరణలో పాల్గొంటాడని తెలుస్తోంది. ఆయన ఎవైలబిలిటీని బట్టి.. దర్శకుడు వేణు శ్రీరామ్ .. నాలుగు నెల్లో ఈ సినిమాను పూర్తి చేసే ప్లాన్ చేస్తున్నాడట. ముందుగా పవన్ కళ్యాణ్ కు సంబంధించిన పార్ట్ ను పూర్తి చేసి.. ఇతర నటీనటుల తో మిగతా భాగాన్ని కంప్లీట్ చేస్తాడట. మొత్తానికి పవర్ స్టార్ ఈ సమ్మర్ కానుకగా అభిమానుల ముందుకు ‘లాయర్ సాబ్’ గా వస్తున్నాడన్నమాట.
