మాస్ మహారాజా రీసెంట్ గా ‘డిస్కోరాజా’ చిత్రంతో వచ్చాడు. మిశ్రమ స్పందనలు తెచ్చుకున్న ఆ సినిమా ప్రస్తుతం బాగానే రన్ అవుతోంది. జయాపజయాలతో సంబంధం లేకుండా తదుపరి సినిమాల్ని వరుసగా లైన్ లో పెట్టుకుంటున్న అతడు.. ప్రస్తుతం గోపీచంద్ మలినేని ‘క్రేక్’ మూవీలో నటిస్తున్నాడు. ఇక ఈ మూవీ తర్వాత రాక్షసుడు ఫేమ్ రమేశ్ వర్మ దర్శకత్వంలో ఓ చిత్రంలో నటించనున్నాడు.
రవితేజ పుట్టిన రోజు సందర్భంగా .. ఈ రోజు అతడి కొత్త చిత్రం ప్రత్యేక పోస్టర్ ను విడుదల చేశారు నిర్మాతలు. అందులో రవితేజ లుక్ ఆకట్టుకుంటోంది. పోస్టర్ ను చూడగానే.. అదొక యాక్షన్ థ్రిల్లర్ అనిపిస్తోంది. రవితేజ షాడో లో నడుచుకుంటూ వస్తూండడం ఆసక్తి రేపుతోంది. రాక్షసుడు మూవీ నిర్మాణ సంస్థ హవీష్ ప్రొడక్షన్స్ బ్యానర్ పై సత్యనారాయణ కోనేరు ఈ సినిమాను నిర్మిస్తున్నారు. ఫిబ్రవరిలో చిత్రాన్ని సెట్స్ మీదకు తీసుకెళ్ళి మార్చ్ లో సినిమాను రిలీజ్ చేయాలనుకుంటున్నారు. మరి ఈ కొత్త చిత్రం రవితేజ ఇమేజ్ ను ఏ స్థాయిలో ఎలివేట్ చేస్తుందో చూడాలి.
