‘
డిస్కోరాజా’ లో తండ్రీ కొడుకులుగా ద్విపాత్రాభినయం చేసిన రవితేజ.. ఆ సినిమా జయాపజయాలతో సంబంధం లేకుండా.. మరోసారి డ్యూయల్ రోల్ చేయబోతున్నట్టు వార్తలొస్తున్నాయి. ప్రస్తుతం సెట్స్ మీదున్న ‘క్రాక్’ సినిమాలో మాస్ మహారాజా పోలీస్ గా నటిస్తోన్న సంగతి తెలిసిందే. ఇదిలా ఉంటే.. రమేశ్ వర్మ దర్శకత్వంలో రవితేజ తన పుట్టిన రోజు సందర్భంగా ఒక సినిమా అనౌన్స్ చేశాడు. అందులోనే రవితేజ డ్యూయల్ రోల్ చేస్తున్నట్టు సమాచారం.
గతంలో రమేశ్ వర్మ తో రవితేజ ‘వీర’ అనే మూవీ చేసిన సంగతి తెలిసిందే. ఆ సినిమా డిజాస్టర్ అయినప్పటికీ .. రమేశ్ చెప్పిన కథ బాగానచ్చడంతో .. సినిమాకి గ్రీన్ సిగ్నల్ ఇచ్చాడట రవితేజ. ఇప్పటికే మనోడు ‘డిస్కోరాజా’తో కలుపుకొని .. గతంలో ‘ఓ పనైపోతోంది బాబూ, విక్రమార్కుడు, కిక్ 2, చిత్రాల్లో ద్విపాత్రాభినయం చేశాడు. ఇప్పుడు మరోసారి డ్యూయల్ రోల్ చేస్తూండడం ఆసక్తి రేపుతోంది. మరి ఈ సినిమా మాస్ మహారాజాకి ఏ స్థాయి విజయాన్ని అందిస్తుందో చూడాలి.
