ఇంద్రగంటి మోహన్ కృష్ణ దర్వకత్వంలో నానీ, సుధీర్ బాబు ప్రధానపాత్రల్లో తెరకెక్కుతోన్న యాక్షన్ థ్రిల్లర్ ‘వీ’. ఇందులో నానీ విలన్ గానూ, సుధీర్ బాబు హీరోగానూ నటిస్తోన్న సంగతి తెలిసిందే. మార్చ్ 25న ఉగాది కానుకగా విడుదల కానున్నఈ చిత్రాన్ని దిల్ రాజు నిర్మిస్తున్నాడు. అయితే ఈ సినిమాకు సంబంధించిన ఒక వార్త ప్రస్తుతం సోషల్ మీడియాలో చక్కర్లు కొడుతోంది. దాని ప్రకారం.. ఇందులో అసలు విలన్ సుధీర్ బాబు అంటున్నారు. కథ ప్రకారం ‘వీ’ సినిమా రెండు ఎపిసోడ్స్ గా సాగుతుందట. ఒక ఎపిసోడ్ లో హీరోగా సుధీర్ బాబు, విలన్ గా నానీ కనిపిస్తాడని, ఆ తర్వాత వచ్చే ఎపిసోడ్ లో అసలు విలన్ సుధీర్ బాబని, అందులో నిజానికి హీరో నానీ అని తేలుతుందట.
బిఫోర్ లాస్టియర్ మలయాళంలో ‘కమ్మార సంభవం’ అనే సినిమా వచ్చింది. అందులో దిలీప్ , బొమ్మరిల్లు హీరో సిద్ధార్ధ (మలయాళ డెబ్యూ) ప్రధాన పాత్రలు పోషించారు. అదొక హిస్టారికల్ పొలిటికల్ థ్రిల్లర్ . ఈ సినిమాలో ఫస్టాఫ్ అంతా దిలీప్ హీరోగా, సిద్ధార్ధ విలన్ గా ఉంటుంది. ఆ తర్వాత భాగంలో అసలు హీరో సిద్ధార్ధ గానూ, విలన్ దిలీప్ గానూ రివీలవుతుంది. ఈ సినిమా కేరళ బాక్సాఫీస్ వద్ద ఫ్లాపైనా.. స్ర్కీన్ ప్లేను అందరూ అప్రిసియేట్ చేశారు. అందుకే ఇంద్రగంటి ‘వీ’ సినిమా కోసం ఆ మూవీ కథను తీసుకోకపోయినా. ఆ పేట్రన్ మాత్రం ఫాలో అవుతున్నాడనే వార్తలు వినిపిస్తున్నాయి. మరి నిజంగానే ‘వీ’ సినిమా ‘కమ్మార సంభవం’ చిత్రం ఫార్మెట్ లోనే ఉంటుందో లేదో చూడాలి.
