బాపు దర్శకత్వంలో కృష్ణంరాజు హీరోగా నటించిన సూపర్ హిట్టు భక్తి చిత్రం ‘భక్తకన్నప్ప’. కన్నడ రాజ్ కుమార్ నటించిన ‘శ్రీకాళహస్తి మహాత్మ్యం’ చిత్రానికది రీమేక్. ఈ రెండు సినిమాలు అప్పటి తరాన్ని ఓ రేంజ్ లో అలరించాయి. ఇక ఇప్పుడు ఈ జెనరేషన్ జనాన్ని అదే కాన్సెప్ట్ తో మెప్పించేందుకు మంచు మోహన్ బాబు రెడీ అవుతున్నారు. మంచు విష్ణు హీరోగా ‘భక్త కన్నప్ప’ చిత్రాన్ని భారీ ఎత్తున నిర్మించేందుకు లక్ష్మీ ప్రసన్న పిక్చర్స్ వారు సన్నాహాలు చేస్తున్నారు. నిజానికి .. ప్రభాస్ హీరోగా ఈ సినిమా నిర్మించాలని కృష్ణంరాజు డ్రీమ్ . కానీ అది సాధ్యం కాలేదు.
ఇక తనికెళ్ళ భరణి దర్శకత్వంలో మంచు విష్ణు హీరోగా ‘భక్త కన్నప్ప’ చిత్రం తెరకెక్కనుందని ఆ మద్య ఎప్పుడో హడావిడి చేశారు . కానీ బడ్జెట్ దగ్గర తేడా వచ్చి.. ప్రాజెక్ట్ ను పక్కన పెట్టారు. కానీ మోహన్ బాబు మళ్లీ ‘భక్త కన్నప్ప’ ఊసెత్తడం విశేషం. ఏకంగా రూ.60 కోట్ల బడ్జెట్లో ఈ సినిమాను నిర్మించనున్నట్లు ఆయన ప్రకటించారు. శ్రీకాళహస్తిలో మల్లికార్జున స్వామిని దర్శించుకున్న సందర్భంగా మోహన్ బాబు ఈ విషయాన్ని వెల్లడించారు. విష్ణు హీరోగా ఈ సినిమా తెరకెక్కుతుందని చెప్పారాయన. అయితే ఈ ప్రాజెక్టులో ఎవరెవరు నటిస్తారు.. సాంకేతిక నిపుణులు ఎవరు అన్నది త్వరలోనే వెల్లడిస్తామని.. తమ కుటుంబానికిది ప్రతిష్టాత్మకమైన సినిమా అని మోహన్ బాబు అన్నారు. మరి మంచు వారి భక్త కన్నప్ప ఏ రేంజ్ లో ఉండబోతోందో చూడాలి.
