తమిళ హీరో కార్తీ ఎర్లియర్ మూవీ ‘ఖైదీ’ ఏ రేంజ్ లో ప్రశంసలు దక్కించుకుందో తెలిసిందే. కొత్త దర్శకుడు లోకేష్ కనగరాజ్ మలిచిన ఈ బ్రిలియంట్ థ్రిల్లర్ తెలుగులో కూడా అదే పేరుతో విడుదలై ఇక్కడ కూడా మ్యాజిక్ చేసింది. అలాంటి ఈ సినిమా రీమేక్ రైట్స్ కోసం చాలా మంది బాలీవుడ్ మేకర్స్ ప్రయత్నాలు ప్రారంభించారు. ఎట్టకేలకు ఈ సినిమా రీమేక్ హక్కుల్నిరిలయన్స్ ఎంటర్ టైన్ మెంట్స్ వారు దక్కించుకొని .. ఒరిజినల్ వెర్షన్ ను నిర్మించిన డ్రీమ్ వారియర్ పిక్చర్స్ వారితో సంయుక్తంగా నిర్మించడానికి ఒప్పందం కుదుర్చుకున్నారు. అంతా బాగానే ఉంది కానీ..ఇందులో ‘ఖైదీ’ గా ఎవరు నటిస్తారు అనే ప్రశ్న ఎదురైంది మేకర్స్ కు.
ఫైనల్ గా బాలీవుడ్ ఖైదీగా సంజయ్ దత్ కన్ఫర్మ్అయినట్టు వార్తలొస్తున్నాయి. ఫ్యామిలీ ఆడియన్స్ ను కావల్సిన పాటలు గానీ, హీరోయిన్ కానీ లేకుండా.. కేవలం స్ర్కీన్ ప్లే బేస్డ్ గా తెరకెక్కిన ఈ సినిమాలో దిల్లీ పాత్రకు సంజూ బాబానే యాప్ట్ అని యూనానిమస్ గా తీర్మానించారు. ఏజ్ దగ్గర పడుతున్నా .. సంజయ్ దత్ లో దిల్లీ పాత్రలో కార్తీ పలికించిన ఎమోషన్స్ ను అద్భుతంగా రాబట్టవచ్చని నమ్మకంతో ఉన్నారు బాలీవుడ్ మేకర్స్ . మరి సంజూ ఖైదీగా బాలీవుడ్ లో ఎలా మెప్పిస్తాడో చూడాలి.
