లాస్టియర్ ‘యన్టీఆర్ సిరీస్’ తో..సినిమా పరంగా పరాజయం ఫేస్ చేసినప్పటికీ .. పాత్ర పరంగా పలువురు ప్రశంసలు అందుకున్నాడు దగ్గుబాటి రానా. అదే విధంగా బాలీవుడ్ లో ‘హౌస్ ఫుల్ 4’తో ఘనవిజయం అందుకున్నాడు. ప్రస్తుతం వేణు ఊడుగుల ‘విరాట పర్వం’లో నక్సలైట్ గా పవర్ ఫుల్ పాత్రలో నటిస్తోన్నమనోడు .. మరో వైపు బాలీవుడ్ లో తమిళ దర్శకుడు ప్రభు సాల్మన్ దర్శకత్వంలో ‘హాధీ మేరే సాథీ’ అనే చిత్రంలోనూ హీరోగా నటిస్తున్నాడు. దట్టమైన అడవుల నేపథ్యంలో ఏనుగు ప్రదాన పాత్రగా రానా నటిస్తోన్న ఈ సినిమా న్యూ లుక్ ఈ రోజు విడుదలైంది. ఒక విచిత్రమైన వేషధారణలో రానా రివీలైన పోస్టర్ సోషల్ మీడియాలో వైరల్ గా మారింది.
ఇక ఇదే సినిమా తమిళంలో ‘కాడన్’ గానూ, తెలుగులో ‘అరణ్య’గానూ విడుదల చేస్తున్నారు. బాందేవ్ గా నటిస్తోన్న రానా లుక్ తో ఒక పోస్టర్ గతంలో విడుదలైంది. ఇప్పుడు సరికొత్త రానా లుక్ ను విడుదల చేశారు మేకర్స్ . 1971 లో బాలీవుడ్ లో రాజేష్ ఖన్నా హీరోగా వచ్చిన హాథీ మేరే సాథీ కి రీమేక్ ఈ సినిమా తెరకెక్కుతోంది. ఏప్రిల్ 2న తెలుగు, తమిళ, హిందీ భాషల్లో విడుదల కానున్న ఈ సినిమా రానాకు ఏ స్థాయిలో ఇమేజ్ తెచ్చిపెడుతుందో చూడాలి.
