‘గాయత్రి’ తర్వాత.. తెలుగులో మరే చిత్రంలోనూ నటించలేదు విలక్షణ నటుడు మోహన్ బాబు. కానీ ప్రస్తుతం తమిళంలో మాత్రం ఆయన ఒక సినిమాలో నటిస్తున్నాడు. సూర్య హీరోగా నటిస్తోన్న ‘సూరారై పోట్రు’ చిత్రంలో ఆయన ఒక పెక్యులర్ పాత్ర పోషిస్తున్నాడు. ఆ పాత్ర పేరు భక్తవత్సలం నాయుడు. ఆయన ఒరిజినల్ పేరునే ‘ఆకాశమే నీహద్దురా’ పేరుతో వస్తోన్న తెలుగు వెర్షన్ కి వాడుకోవడం విశేషం. గురు ఫేమ్ సుధ కొంగర దర్శకత్వంలో తెరకెక్కుతోన్న ఈ సినిమా త్వరలో విడుదల కానుంది. ఈ సందర్భంగా ఇందులోని మోహన్ బాబు లుక్ ను విడుదల చేశారు మేకర్స్.
పైలట్ గా నటిస్తోన్న సూర్య పాత్రకు మెంటార్ గా మోహన్ బాబు కనిపించనున్నారు. క్లీన్ షేవ్డ్ ఫేస్ కట్ తో , ఎరోనాటికల్ విభాగంలోని ఒక ఆఫీసర్ గా రివీలైన ఆయన ఫోటోస్ సోషల్ మీడియాలో వైరల్ గా మారాయి. ఎయిర్ డెక్కన్ వ్యవస్థాపకుడు జీ.ఆర్.గోపీనాథ్ జీవిత కథ ఆధారంగా తెరకెక్కుతోన్న ఈ చిత్రం మోహన్ బాబుకు ఏ రేంజ్ లో పేరు తెస్తుందో చూడాలి.
