వంశీ డైరెక్షన్ లో వచ్చిన సూపర్ హిట్టు మూవీ ‘ఔను వాళ్ళిద్దరూ ఇష్టపడ్డారు’. ఆ సినిమాతో టాలీవుడ్ లో కథానాయికగా ఎంట్రీ ఇచ్చిన మలయాళ కుట్టి కావేరీ కళ్యాణి. ఆ సినిమా తర్వాత టాలీవుడ్ లో పలు విజయవంతమైన చిత్రాల్లో నటించి మెప్పించింది. ఆ తర్వాత కొన్ని చిత్రాల్లో వదిన గానూ, అక్కగానూ కనిపించింది. కొంతకాలంగా సైలెంట్ అయిపోయిన ఈ అమ్మడు.. ఇప్పుడో చిత్రాన్ని స్వీయ దర్వకత్వంలో తెరకెక్కించడానికి సిద్ధమవుతోంది.
కేకే ప్రొడక్షన్స్ బ్యానర్ పై కళ్యాణి తెరకెక్కిస్తోన్న ప్రొడక్షన్ నెం. 1 చిత్రానికి సంబంధించిన ప్రీ లుక్ అండ్ టీజర్ హోలీ పండుగను పురస్కరించుకొని ఈ రోజు విడుదలైంది. హీరో చేతన్ చీను హోలీ రంగుల్లో రివీలైన టీజర్ ఆకట్టుకుంటోంది. శ్వేత, హాసిని మణి ఇతర ముఖ్యపాత్రలు పోషిస్తోన్న ఈ సినిమా ద్విభాషా చిత్రంగా రూపొందుతోంది. పూరీ జగన్నాథ్ విడుదల చేసిన ఈ ప్రీ లుక్ ఇంకా టైటిల్ ఖాయం కాకుండానే విడుదలవడం విశేషం. మరి ఈ సినిమా దర్శకురాలిగా కళ్యాణికి ఏ రేంజ్ లో పేరు తెస్తుందో చూడాలి.
ప్రీలుక్ టీజర్ ను వీక్షించడానికి కింది లింక్ మీద క్లిక్ చేయండి.
https://www.youtube.com/watch?v=o7Cu17Hh4jI&feature=youtu.be
