హెడ్డింగ్ ను చూసి రామ్ చరణ్ డ్రైవింగ్ లైసెన్స్ ను కొనడం ఏమిటో అనుకుంటున్నారా? అదొక మలయాళ సినిమా లెండి. రీసెంట్ గా మలయాళంలో రిలీజైన ‘డ్రైవింగ్ లైసెన్స్’ అనే సినిమా దుమ్మురేపేసింది. పృధ్విరాజ్ , సురాజ్ వెంజారమూడ్ ప్రధాన పాత్రలు పోషించిన ఆ సినిమా.. ఒక సూపర్ స్టార్ కి, అభిమానికి మధ్య ఇగో క్లాష్ నేపథ్యంలో తెరకెక్కింది. ఫ్యామిలీ రిలేషన్స్ తో పాటు హ్యూమన్ ఎమోషన్స్ నూ ప్రధానంగా ఫోకస్ చేసిన ఈ సినిమాకి దర్శకుడు లాల్ జూనియర్ (నటుడు, దర్శకుడు లాల్ కొడుకు ). ఈ సినిమా రీమేక్ రైట్స్ ను రామ్ చరణ్ కైవసం చేసుకున్నాడనే టాక్ వినిపిస్తోంది.
కొణిదెల ప్రొడక్షన్స్ బ్యానర్ పై వేరే స్టార్ హీరోతో ‘డ్రైవింగ్ లైసెన్స్’ రీమేక్ వెర్షన్ తెరకెక్కేంచే ఆలోచనలో ఉన్నాడట చెర్రీ. ప్రస్తుతం అమెజాన్ ప్రైమ్ లో చాలా మంది కళ్ళపడింది ఈ సినిమా . మనవాళ్ళు కూడా తెగ చూసేశారు. అతి త్వరలోనే ఈ సినిమాకి సంబంధించిన అనౌన్స్ మెంట్ చేయనున్నారట. మరి తెలుగు ‘డ్రైవింగ్ లైసెన్స్’ లో హీరో ఎవరో చూడాలి.
