బాలీవుడ్ ఖిలాడీ అక్షయ్ కుమార్ యాక్షన్ కాప్ గా అదరగొట్టనున్న మసాలా చిత్రం ‘సూర్యవంశి‘. ‘గోల్ మాల్ సిరీస్, సింఘం, చెన్నై ఎక్స్ ప్రెస్ , సింబా’ లాంటి చిత్రాలతో బాలీవుడ్ ప్రేక్షకులకు యాక్షన్ ఫీస్ట్ ఇచ్చిన రోహిత్ షెట్టి ఈ సినిమాకి దర్శకుడు. ఈ మూవీ కోసం అక్షయ్ కుమార్ లోని మాస్ హీరోని ఫుల్ గా వాడుకున్నాడు దర్శకుడు. మార్చ్ 24న ప్రపంచ వ్యాప్తంగా రిలీజ్ అవుతోన్న ఈ సినిమాకి సంబంధించిన ట్రైలర్ ను విడుదల చేశారు మేకర్స్. యాక్షన్ సన్నివేశాలతో ఫుల్ గా నింపేసిన ఈ ట్రైలర్ మొత్తం నాలుగు నిమిషాలకు పైగానే ఉండడం విశేషం. ప్రస్తుతం యూ ట్యూబ్ లో ‘సూర్యవంశి’ ట్రైలర్ తెగ ట్రెండింగ్ లో ఉంది.
ఇండియన్ పోలీస్ గొప్పదనం చూపేలా భారీ యాక్షన్ సీన్స్ తో ట్రైలర్ ను కట్ చేశారు. అక్షయ్ కుమార్ మాత్రమే కాకుండా ‘కాప్ యూనివర్స్’ పేరుతో ‘సింగమ్’.. ‘సింబా’ హీరోలు అజయ్ దేవగణ్.. రణవీర్ సింగ్ లను ఈ సినిమాలో నటింపజేయడంతో ఈ సినిమా ఒక మల్టిస్టారర్ గా మారిపోయింది. 255 సెకండ్ల ట్రైలర్లో ఈ సినిమా స్టోరీలైన్ వెల్లడించారు. విలన్ల గ్యాంగులు ముంబైని సర్వనాశనం చేసేందుకు ప్రయత్నిస్తూ ఉంటాయి. ఈ కిరాతక ముఠాలను ఆపగలిగేవాడు.. వారిని మట్టుబెట్టగలిగేవాడు మన ఖిలాడి.
ట్రైలర్ ను వీక్షించడానికి కింది లింక్ మీద క్లిక్ చేయండి
https://www.youtube.com/watch?time_continue=246&v=u5r77-OQwa8&feature=emb_logo
