టాలీవుడ్ ప్రేక్షకులు థ్రిల్లర్స్ మీద మక్కువ చూపిస్తున్న నేపథ్యంలో .. త్వరలో విడుదల కాబోతోన్న మరో థ్రిల్లర్ మూవీ ‘గతం’ . న్యూ ఏజ్ సైకలాజికల్ థ్రిల్లర్ గా కొత్త కుర్రోడు కిరణ్ రెడ్డి దర్శకుడిగా పరిచయం అవుతూ మలిచిన ఈ సినిమాను హాఫ్ బీట్ ఫిల్మ్స్ అండ్ యస్ ఒరిజినల్స్ బ్యానర్ పై భార్గవ పోలుదాసు, హర్షవర్ధన్ ప్రతాప్ , సృజన్ ఎరబోలు సంయుక్తంగా నిర్మిస్తున్నారు. భార్గవ్ పోలుదాసు, రాకేశ్ గలేభే, పూజితా కూరపర్తి ప్రధాన పాత్రలు పోషిస్తోన్నన్న ఈ సినిమా టీజర్ ను అడివి శేష్ చేతులు మీదుగా ఈరోజే విడుదల చేశారు. గ్రిప్పింగ్ స్ర్కీన్ ప్లేతో , ఉత్కంఠను రేపే సన్నివేశాలతో కట్ చేసిన ఈ టీజర్ ఆకట్టుకుంటోంది.
‘జస్ట్ ఇమేజిన్ .. నీ నీ లైఫే రీ స్టార్టైతే’ అనే హీరోవాయిస్ మీద టీజర్ బిగిన్ అయింది. ’ఏ రిలేషన్ షిప్ లో అయినా లైఫ్ లాంగ్ గుర్తిండిపోయేవి మెమరీసే.. కానీ మనకి అవే ఎరేజ్ అయిపోయాయి’.. అని హీరోయిన్ చెబుతుంది. ఆ తర్వాత నా కెరీర్ లో ఇలాంటి కేసు ఎప్పుడూ చూడలేదు… అంటూ.. ఐ నో హూ కెన్ ఫిక్స్ దిస్ అంటూ ఆశ్చర్యపోతూ.. ఆ కేస్ ను ఇన్వెస్టిగేట్ చేస్తున్న సీనియర్ నటుడు సీవీయల్ పలుకుతాడు. ఆ తర్వాత కొన్ని అనూహ్యమైన సంఘటనలతో కూడిన షాట్స్ పడతాయి. ఫైనల్ గా ‘నా వల్ల గతం మరిచిపోయి నా ఇంటికే వచ్చారు’ అనే డైలాగ్ తో గతం సినిమా మెయిన్ థీమ్ ను రివీల్ చేశారు. గతం మరిచిపోయి వేరే చోట బతుకుతున్న ఓ జంటను .. అనుకోని పరిస్థితుల్లో వారి గతం వెంటాడుతుంది. మొత్తం మీద ఈ సినిమాలో సమ్ థింగ్ ఉందనిపిస్తోంది. మరి గతం చిత్రం టాలీవుడ్ జనాన్ని ఏ రేంజ్ లో ఆకట్టుకుంటుందో చూడాలి.
గతం టీజర్ ను వీక్షించడానికి కింది లింక్ మీద క్లిక్ చేయండి.
https://www.youtube.com/watch?v=AaHKXYLLTtM&feature=youtu.be
