నానీ , సుధీర్ బాబు ప్రధాన పాత్రల్లో ఇంద్రగంటి మోహన్ కృష్ణ మలిచిన ఇంటెన్స్ యాక్షన్ థ్రిల్లర్ ‘వీ’. నివేదా థామస్, అదితీరావు హైదరి కథానాయికలు గా నటిస్తోన్న ఈ సినిమా మార్చ్ 25 న ప్రపంచ వ్యాప్తంగా విడుదలకానుంది. ఈ నేపథ్యంలో ఈ సినిమాకు సంబంధించిన ప్రచార కార్యక్రమాల్ని మొదలు పెట్టేశారు మేకర్స్. అందులో భాగంగా ఈ రోజు ఈ సినిమాకి సంబంధించిన టీజర్ ను విడుదల చేశారు.
ఫూల్స్ మాత్రమే గుడ్డిగా రూల్స్ ఫాలో అవుతారు. అప్పుడప్పుడు నాలాంటోళ్ళు రూల్స్ బ్రేక్ చేస్తారు అన్న సుధీర్ బాబు డైలాగ్ తో టీజర్ స్టార్ట్ అవుతుంది. ఒక్క క్లూ కూడా వదలకుండా వరుసగా హత్యలు చేస్తోన్న ఇంటెలిజెంట్ సీరియల్ కిల్లర్ అయిన నానీని పట్టుకోడానికి పోలీసాఫీసరైన సుధీర్ బాబు రంగంలోకి దిగుతాడు . న్యాయాన్ని , ధర్మాన్నికాపాడ్డానికి నవ్వొస్తున్నావనగానే విజిల్స్ వేయడానికి నేనేమీ నీ ఫ్యాన్ ను కాదు రా.. అంటూ సుధీర్ బాబు ను రెచ్చగొడతాడు. ఇక టీజర్ చివరలో నానీ కి వార్నింగిస్తూ.. సుధీర్ బాబు మాట్లాడితే.. ముందు సోదాపు .. దమ్ముంటే నన్నాపు అంటాడు నానీ.. టోటల్ గా ‘వీ’ చిత్రం ఇటు నానీకి, అటు సుధీర్ బాబుకు ఓ ప్రత్యేకమైన సినిమా అవుతుందన్నమాట.
