శాండిల్ వుడ్ లో విలక్షణమైన పాత్రలతో మెప్పించే వెటరన్ నటుడు అనంత్ నాగ్. ఆయన ‘ప్రేమలేఖలు’ (కె.రాఘవేంద్రరావుదర్శకత్వం ) అనే తెలుగు చిత్రంలో ఒకప్పుడు విలన్ గా కూడా నటించాడు. అలాగే… ఇటీవల ‘భీష్మ’ చిత్రంలో టైటిల్ రోల్ పోషించింది ఆయనే. తన జీవితంలో పెళ్లిమాటే తలపెట్టకుండా.. భీష్మ ఆర్గానిక్స్ కు వ్యవస్థాపకుడుగా.. చాలా ప్రాముఖ్యమున్న పాత్రనే పోషించాడాయన. ఇక లాస్టియర్ పాన్ ఇండియా చిత్రంగా వివిధ భాషల్లో విడుదలై.. సెన్సేషనల్ హిట్టైన ‘కేజీయఫ్’ చిత్రంలోనూ ఆయనది కీలకపాత్రే. జర్నలిస్ట్ గా.. హీరో పాత్ర కు బలమైన ఇంట్రడక్షనిచ్చి.. ఆ సినిమాకే హైలైట్ గా నిలిచిన ఆయన పాత్రను ‘కేజీయఫ్ 2’ లో కూడా కొనసాగించాడు దర్శకుడు ప్రశాంత్ నీల్.
అయితే తాజా సమాచారం ప్రకారం ‘కేజీఎఫ్ 2’ కు అనంత్ నాగ్ బై చెప్పాడనే వార్తలొస్తున్నాయి. దర్శకుడు ప్రశాంత్ కి, అనంత నాగ్ కు క్రియేటివ్ డిఫరెన్సెస్ వచ్చాయని.. అందుకే ఆ పాత్ర నుంచి అనంత నాగ్ వైదొలుగుతున్నాడని తెలుస్తోంది. ప్రస్తుతం అనంత్ నాగ్ పాత్రను రీప్లేస్ చేసే నటుడి కోసం చూస్తోందట చిత్ర బృందం. మరి ఆ నటుడు ఎవరవుతారో చూడాలి.
