ఈరోజుల్లో డిజిటల్ వెబ్ సైట్స్ .. మిగతా సైట్స్ కన్నా చాలా ముందుంటున్నాయి. ముఖ్యంగా నెట్ ఫ్లిక్స్, అమెజాన్ ప్రైమ్ లాంటి ఓ.టీ.టీ ప్లాట్ ఫామ్స్ జనానికి వినోదం అందించడానికి పోటీపడతున్నాయి. ఇటీవల హాట్ స్టార్,ఆల్ట్ బాలాజీ, జీ 5 లాంటివి కూడా నెమ్మదిగా అభివృద్ధి చెందుతున్నాయి. ఇప్పుడు సరికొత్త ఈ ప్లాట్ ఫామ్ మీదకు మెగా ప్రొడ్యూసర్ అల్లు అరవింద్ కూడా ఎంటరవుతుండడం ఆసక్తి రేపుతోంది.
అల్లు అరవింద్ ‘ఆహా’ పేరుతో ఒక ఓ.టీ.టీ స్ట్రీమింగ్ ప్లాట్ ఫామ్ ను తీసుకొస్తున్నారు. ఇటీవలే దాన్ని లాంచ్ చేశారు కూడా. నిమ్మగడ్డ ప్రసాద్, మై హోం గ్రూప్ అధినేత జూపల్లి రామేశ్వరరావు తో కలసి ఓ.టీ.టీ. డిజిటల్ స్ర్ట్రీమింగ్ సర్వీస్ ను ప్రారంభించారు. దాదాపు రూ. 150కోట్ల బట్జెట్ తో ఈ ప్రాజెక్ట్ ను లాంఛ్ చేశారు. ఇందులో భాగంగా తెలుగులో బ్లాక్ బస్టరైన కొన్ని చిత్రాల్ని ముందుగా ఇందులో పెడతారు. అలాగే గీతా ఆర్ట్స్ బ్యానర్ లో నిర్మించిన బ్లాక్ బస్టర్ చిత్రాలు కూడా ఈ లిస్ట్ లో ఉన్నాయి. ఇంకా హై క్వాలిటీ తో ఉన్న ఒరిజినల్ కంటెంట్ ను కూడా స్ట్రీమింగ్ చేయనున్నారట.
