టాలీవుడ్ లో ఎప్పటినుంచో హిట్టు కోసం తీవ్రంగా శ్రమిస్తున్నాడు అక్కినేని ఫ్యామిలీ హీరో సుశాంత్. కెరీర్ లో ఇప్పటివరకూ సరైన సక్సెసే దక్కని ఈ హీరోకి అక్కినేని బ్రాండ్ ఉండడంతో ఇప్పటివరుకూ అవకాశాలకు ఏమాత్రం ఇబ్బంది రాలేదు. ఆ మధ్య ‘చి.ల.సౌ’ తో పర్వాలేదనిపించుకున్న ఈ హీరో .. ఈ ఏడాది ‘అల..వైకుంఠపురములో’ చిత్రంలో ఒక ముఖ్య పాత్ర పోషించి మంచి గుర్తింపు తెచ్చుకున్నాడు. మరి ఆ సక్సెస్ మహిమో ఏమోగానీ.. మనోడు సోలో హీరోగా ఈ రోజు ఒక సినిమా ప్రారంభమైంది.
‘ఇచ్చట వాహనములు నిలుపరాదు’ అనే ఒక వెరైటీ టైటిల్ తో ఈ సినిమా లాంఛ్ అయింది. ఈ నెల్లోనే రెగ్యులర్ షూటింగ్ కు రెడీ అవుతోన్న ఈ సినిమాకి దర్శకుడు యస్.దర్శన్ . నిజ జీవిత సంఘటనలతో థ్రిల్లర్ మూవీగా తెరకెక్కునున్న ఈ సినిమాను శాస్త్రా మూవీస్ పతాకంపై రవి శంకర్ శాస్త్రి, హరీశ్ కోయిల గుండ్ల సంయుక్తంగా నిర్మిస్తున్నారు. ప్రీవీణ్ లక్కరాజు సంగీతం సమకూర్చుతుండగా.. యం.సుకుమార్ ఛాయా గ్రహణం అందిస్తున్నాడు.
