వరుస సినిమాలతో ఊపిరి సలపని బిజీలో కూడా ఫ్యామిలీ స్పేస్ ఫ్యామిలీకిచ్చి.. వాళ్ళతో చిల్ అవుట్ అయ్యే స్టార్ హీరోల్లో అల్లు అర్జున్ కూడా ఒకరు. పిల్లలకోసం కొంత టైమ్ ను కేటాయించి వాళ్ళతో చిన్నపిల్లవాడిలా అల్లరి చేయడం బన్నీ ప్రత్యేకత. చిచ్చర పిడుగు అయాన్, అల్లరి అర్హాతో బన్నీ కలిస్తే.. వాళ్ళింట్లో రచ్చ రచ్చే. ఈ సంక్రాంతి బన్నీ లైఫ్ లో చాలా ప్రత్యేకం. ప్రతీ సంక్రాంతికీ బన్నీ ఫ్యామిలీ తో పండుగను జరుపుకోవడం కామనే అయినా… ఈ సారి దానికి అల.. వైకుంఠపురములో బ్లాక్ బస్టర్ ఆనందం కూడా తోడయ్యింది.
రీసెంట్ గా బన్నీ బ్రదర్ అల్లు శిరీష్ విడుదల చేసిన వీడియో చూస్తే ఆ సంగతి అర్ధమవుతుంది. ఈ సంక్రాంతికి ‘అల.. వైకుంఠపురములో’ మూవీ విన్నర్ గా నిలవడంతో అల్లు అర్జున్ ఫ్యామిలీతో కలిసి ఆ ఆనందాన్ని పంచుకున్నాడు. భార్య స్నేహతో కలిసి బన్నీ హ్యాపీ మోడ్ లో అదిరిపోయే లెవెల్లో పార్టీని సెలబ్రేట్ చేసుకున్నాడు. సింగర్స్ అలవైకుంఠపురములోని సామజవరగమన పాట పాడుతుంటే.. బన్నీ , స్నేహ ఆ పాటను ఎంతో ఎంజాయ్ చేయడం కనిపిస్తుంది వీడియోలో. ఈ వీడియోను అల్లు శిరీష్ ట్విట్టర్ ద్వారా షేర్ చేశాడు.
