బిగ్ బీ అమితాబ్ బచ్చన్ .. బాలీవుడ్ లో సూపర్ స్టార్ అవడం వెనుక చాలా పెద్ద కథుంది. నటుడిగా అవకాశాలు అందుకోవడానికి, అందరి దృష్టినీ ఆకర్షించడానికి ఆయన చేసిన ప్రయత్నాలు అన్నీ ఇన్నీ కావు. మొత్తానికి ఆయన చాలా కష్టపడి ఎలాగోలా .. సినీ అవకాశాలు అందిపుచ్చుకున్నారు. అయితే ఆయన నటుడిగా మారిన కొత్తల్లో అప్పటికే బాలీవుడ్ లో ఫేమస్ కమెడియన్ గా పేరు తెచ్చుకున్న మహమూద్ రూమ్ లో ఉండేవారట. ఒకరోజు అమితాబ్ తనకొచ్చిన ఉత్తరాన్ని మహమూద్ కు చూపించారట. దాని మీద టూ అడ్రెస్ అమితాబ్ . బొంబాయ్ అని రాసి ఉందట. అతి తక్కువ టైమ్ లోనే తనకొచ్చిన పాపులారిటీని ఆయనతో పంచుకోవాలని ఆ లెటర్ ను ఆయనకి చూపించారు అమితాబ్. అయితే మహమూద్ తనకొచ్చిన ఉత్తరాన్ని కూడా అమితాబ్ కు చూపించాడట. దాని మీద అడ్రెస్ మహమూద్ ఇండియా అని ఉందట. అలా ఒకే రూమ్ లో సూపర్ స్టార్ .. సూపర్ కమెడియన్ ఉండేవారన్నమాట.
