మెగాస్టార్ చిరంజీవి ప్రతిష్ఠాత్మక 152 వ చిత్రం ప్రస్తుతం సెట్స్ మీదున్న సంగతి తెలిసిందే. కొరటాల శివ దర్శకత్వంలో తెరకెక్కుతోన్న ఈ సినిమా సామాజిక సందేశంతో కూడిన యాక్షన్ మూవీగా రూపొందుతోంది. ఆగష్టు 9 న విడుదల చేయాలని నిర్మాత రామ్ చరణ్ నిర్ణయించుకోవడంతో చిత్రాన్ని శరవేగంగా చిత్రీకరిస్తున్నారు. అందాల త్రిష కథానాయికగా నటిస్తోన్నఈ సినిమాలోని మిగతా కేస్టింగ్ గురించి ఇప్పటి వరకూ ఎలాంటి అప్డేట్స్ రాలేదు. అయితే తాజాగా ఈ సినిమాలో ‘సోనూ సూద్ నటిస్తున్నట్టు ట్విట్టర్ లో రివీలైంది.
తాజా గా ట్విట్టర్ లో సోనూ సూద్ పేజ్ లో బాలీవుడ్ హంగామా ఈ విషయాన్ని కన్ఫర్మ్ చేస్తూ ‘సోనూ సూద్ జాయిన్స్ ది కేస్ట్ ఆఫ్ చిరంజీవీస్ నెక్స్ట్’ అని ట్వీట్ చేసింది. చిరంజీవితో నటిస్తూండడం తనకు చాలా గర్వంగా ఉందని, సౌత్ జనం ఎప్పటినుంచో నన్ను ఎంతగానో ఆదరిస్తున్నారని, ఈ సినిమాతో వారి ప్రేమకు తగ్గట్టుగా నేను కూడా మంచి పెర్ఫార్మెన్స్ ఇచ్చేందుకు ప్రయత్నిస్తానని, కొరటాలకి ఈ సందర్భంగా కృతజ్నతలు తెలుపుతున్నానని.. సోనూ చెప్పినట్టు ఆ వెబ్ సైట్ న్యూస్ ప్రచురించింది. దాంతో ‘ఆచార్య’ సినిమాలో సోనూ సూద్ పాత్ర హైలైట్ కానుందనే వార్తలొస్తున్నాయి. అంతేకాదు అందులో సోనూ విలన్ గా నటిస్తున్నాడని కూడా సమాచారం అందుతోంది. మరి ‘ఆచార్య’ లో అతడి పాత్ర ఏంటో తెలియాలంటే.. కొద్ది రోజులు ఆగాల్సిందే.
#SonuSood joins the cast of #Chiranjeevi’s next@SonuSood https://t.co/HpC0M8XBGg
— Bollywood Hungama (@Bollyhungama) February 28, 2020
