టాలీవుడ్ లో ఆలీ కామెడీని ఇష్టపడని వారే ఉండరు. ఇప్పుడున్న కమెడియన్స్ కన్నా చాలా సీనియర్ అయిన ఆలీ.. దాదాపు అన్ని భారతీయ భాషల్లోనూ సినిమాలు చేసి తనదైన శైలిలో నవ్వులు పూయించారు. అయితే ఆలీ ఫస్ట్ టైమ్ ఓ హాలీవుడ్ మూవీ చేయబోతుండడం టాలీవుడ్ లో హాట్ టాపిక్ అయింది. జగదీష్ దానేటి అనే యువ దర్శకుడు ఆలీని హాలీవుడ్ కు పరిచయం చేయబోతున్నాడు. ఒక స్ట్రైట్ హాలీవుడ్ చిత్రం చేస్తోన్న ఫస్ట్ ఇండియన్ డైరెక్టర్ అతనే అవడం విశేషం. ఇక ఈ మూవీని హాలీవుడ్ కు చెందిన మార్టిన్ ఫిల్మ్స్, పింక్ జాగ్వర్ ఎంటర్ టైన్ మెంట్స్ సంయుక్తంగా నిర్మించనుంది.
ఈ సినిమా చిత్రీకరించడానికి అనుమతి విషయమై సమాచార, ప్రసారల శాఖమంత్రి ప్రకాష్‌ జవడేకర్‌ను కలిశారు అలీ, దర్శకుడు జగదీష్ దానేటి. అనంతరం అలీ మాట్లాడుతూ – ‘‘హాలీవుడ్ సినిమా చేయడం చాలా ఎగ్జయిటింగ్‌గా ఉంది. హలీవుడ్‌ సినిమా చేయాలనుకునేవాళ్లకు జగదీష్ ఓ మార్గం చూపించేలా ఉంటాడనుకుంటున్నాను. మంత్రి ప్రకాష్‌ జవడేకర్‌గారికి కృతజ్ఞతలు’’ అన్నారు. దర్శకుడు జగదీష్ మాట్లాడుతూ – ‘‘ఇండో హాలీవుడ్ సినిమాల్లో ఇదో ఉదాహరణగా నిలిచే చిత్రమవుతుంది. అలీ గారిని హాలీవుడ్‌లో పరిచయం చేయడం అదృష్టంలా భావిస్తున్నాను. త్వరలోనీ మరిన్ని వివరాలు ప్రకటిస్తాం’’ అన్నారు.
