లాస్టియర్ ‘గద్దలకొండ గణేశ్ చిత్రంతోనూ’, ఈ సంక్రాంతి కానుకగా వచ్చిన ‘అల…వైకుంఠ పురములో’ తోనూ వరుస ఘన విజయాలందుకొని టాలీవుడ్ లో హీరోయిన్ గా టాప్ చెయిర్ అందుకుంది పూజా హెగ్డే. ప్రస్తుతం ప్రభాస్ హీరోగా సెట్స్ మీదున్న ‘ఓ డియర్’ లో ఆమెనే కథానాయిక.. ఇదిలా ఉంటే.. అమ్మడు సల్లూ భాయ్ సరసన కూడా నటించబోతోందని సమాచారం. సల్మాన్ ఖాన్ హీరోగా సాజిద్ నడియావాలా నిర్మించబోతున్న ‘కభీ ఈద్ .. కభీ దీవాలి’ సినిమా త్వరలోనే సెట్స్ మీదకు వెళ్లనుంది.
ఫర్హాద్ సామ్ జీ దర్శకత్వంలో తెరకెక్కనున్న ‘కభీ ఈద్ కభీ దీవాలి’ మూవీ పక్కా ఫ్యామిలీ లవ్ స్టోరీ అట. అయినప్పటికీ ఇందులో యాక్షన్ సీక్వెన్సెస్ కూడా చాలానే ఉన్నాయట. అక్టోబర్ లో చిత్రం ఫస్ట్ షెడ్యూల్ షూటింగ్ ప్రారంభం కానుంది. ఇంతకు ముందు మొహంజదారో, హౌస్ ఫుల్ 4 చిత్రాలతో బాలీవుడ్ లో మెరిసిన పూజా బేబ్ … ఇప్పుడు తొలిసారిగా సల్మాన్ ఖాన్ తో జోడీ కట్టనుండడం ఆసక్తి రేపుతోంది. మరి ఇందులో పూజా , సల్లూ బాయ్ ఆన్ స్ర్కీన్ కెమిస్ట్రీ ఏ రేంజ్ లో వర్కవుట్ అవుతుందో చూడాలి.
