టాలీవుడ్ సంచలన హీరో విజయ్ దేవరకొండ, పూరీ జగన్నాథ్ కలయికలో ప్రస్తుతం సెట్స్ మీదున్న చిత్రం ‘ఫైటర్’ (వర్కింగ్ టైటిల్ ). దీనికి ‘లైగర్’ గా పేరు మార్చుతున్నట్టు ఇటీవల వార్తలొచ్చాయి. విజయ్ బాక్సింగ్ ఛాంపియన్ గా నటిస్తోన్న ఈ రొమాంటిక్ యాక్షన్ ఎంటర్ టైనర్ లో అనన్యపాండే కథానాయికగా నటిస్తోన్నట్టు విజయ్ దేవరకొండ తన ట్విట్టర్ అకౌంట్ లో రివీల్ చేశాడు. విజయ్ కు ఈ సినిమా తొలి పాన్ ఇండియా చిత్రం కానుండడం విశేషం. ఇక ఇందులో బాక్సర్ గా కనిపించడం కోసం తన శరీరాకృతిని సైతం మార్చుకొని .. దానికి తగ్గట్టుగా థాయ్ ల్యాండ్ లో బాక్సింగ్ లో శిక్షణ కూడా తీసుకున్నాడు విజయ్.
ఇక ఈ చిత్రంలో విజయ్ దేవరకొండ సిక్స్ ప్యాక్ బాడీని కూడా బిల్డ్ చేస్తున్నట్టు తెలుస్తోంది. కాగా .. హిందీలో ఈ సినిమా హక్కుల్ని బాలీవుడ్ నిర్మాత కరణ్ జోహార్ దక్కించుకున్నాడు. తెలుగు , హిందీతో పాటు పలు ప్రాంతీయ భాషల్లోనూ సినిమా విడుదల కాబోతోంది. ఈ ఏడాది వేసవిలో చిత్రం ప్రేక్షకుల ముందుకు వచ్చే అవకాశాలున్నాయి. విజయ్ ఎర్లియర్ మూవీ ‘వరల్డ్ ఫేమస్ లవర్’ అభిమానుల్ని నిరాశ పరచడంతో ఈ సినిమా మీద పూర్తిగా కాన్సెన్ ట్రేట్ చేస్తున్నాడు విజయ్. ‘ఇస్మార్ట్ శంకర్’ తో లాస్టియర్ బ్లాక్ బస్టర్ కొట్టిన నేపథ్యంలో పూరీ జగన్నాథ్ పనితనం మీద పూర్తి నమ్మకంతో ఉన్నారు ప్రేక్షకులు. మరి ఈ సినిమా విజయ్ కు ఏ స్థాయిలో పేరు తెచ్చిపెడుతుందో చూడాలి.
