టాలీవుడ్ లో స్టార్ రైటర్ గా ఒక వెలుగు వెలిగాడు వక్కంతం వంశీ. ముఖ్యంగా అగ్రకథానాయకులకు తన రైటింగ్ తో ఎన్నో సూపర్ హిట్స్ అందించాడు. కానీ ఎప్పుడైతే, మనోడు దర్శకుడిగా టర్న్ అయ్యాడో అప్పటి నుంచీ అతగాడి ఫేట్ తిరగబడింది. ఎన్నో సంవత్సరాలు కష్టపడి ఓ కథ రెడీ చేసుకొని అందరు హీరోల చుట్టూ తిరిగినా.. వర్కవుట్ అవలేదు. ఆఖరికి ఆ సినిమా బన్నీ తో ‘నా పేరు సూర్య’ గా తెరకెక్కి పరాజయం పాలైంది. డైరెక్టర్ అయి మంచి హిట్టు కొట్టాలనే అతడి కల కలగానే మిగిలిపోయింది. ఇప్పుడు వక్కంతం తన రెండో సినిమా ట్రయల్స్ లో ఉన్నాడు.
ఆ మధ్య ఎప్పుడో వక్కంతం రవితేజను కలిసి ఒక కథ వినిపించాడట. ఆ కథకు బాగా ఇంప్రెస్ అయిన రవితేజ తప్పుకుండా చేద్దామని మాటిచ్చాడట. కొద్ది రోజులు టైమ్ తీసుకున్న వక్కంతం పూర్తి బౌండ్ స్ర్కిప్ట్ తో మరోసారి రవితేజను కలిసి ఫైనల్ నెరేషన్ ఇచ్చాడట. ఇప్పుడు వక్కంతం కథ రవితేజ ను పూర్తి స్థాయిలో మెప్పించిందట. త్వరలోనే ఈ సినిమా పై ప్రకటన వచ్చి.. సినిమా సెట్స్ మీదకు వెళ్ళనుందని సమాచారం. ప్రస్తుతం పలు చిత్రాలతో బిజీగా ఉన్న రవితేజ ఆ మూవీస్ అన్ని కంప్లీట్ అయ్యే టైమ్ కు వక్కంతం సినిమా కు రెడీ అవుతాడని వినికిడి. మరి మాస్ మహారాజా అయినా.. వక్కంతం వంశీకి హిట్టిస్తాడేమో చూడాలి.
