పవర్ స్టార్ పవన్ కళ్యాణ్ కంబ్యాక్ చిత్రంగా ప్రస్తుతం ‘వకీల్ సాబ్’ సెట్స్ మీదున్న సంగతి తెలిసిందే. బాలీవుడ్ ‘పింక్’ మూవీకి రీమేక్ గా శ్రీరామ్ వేణు తెరకెక్కిస్తోన్నఈ సినిమాను బోనీకపూర్, దిల్ రాజు సంయుక్తంగా నిర్మిస్తున్నారు. ప్రస్తుతం శరవేగంగా షూటింగ్ జరుపుకుంటోన్న ఈ సినిమాకు సంబంధించి ఒక ఆసక్తికరమైన అప్డేట్ వచ్చింది. అదేంటంటే.. ‘వకీల్ సాబ్’ చిత్రానికి తమన్ సంగీతం అందిస్తున్న ‘సంగతి తెలిసిందే . అయితే ఇందులోని ఒక ప్రభోదాత్మక గీతాన్ని సిధ్ శ్రీరామ్ ఆలపించాడు. నిన్నరాత్రి తమన్ ఈ విషయాన్ని తన ట్విట్టర్ ఖాతాలో రివీల్ చేశాడు. సిధ్ శ్రీరామ్ తో ఉన్న తనఫోటోను పోస్ట్ చేసి మరీ పవర్ స్టార్ అభిమానులను ఖుషీ చేశాడు.
ఈ ఏడాది ‘అల.. వైకుంఠపురములో’ చిత్రానికి మరిచిపోలేని సంగీతం అందించి.. టాలీవుడ్ లో తిరిగి బ్రహ్మాండమైన ఫామ్ లోకి వచ్చిన తమన్.. ప్రస్తుతం అనుష్క నిశ్శబ్దం చిత్రానికి కూడా ఇన్నోవేటివ్ ట్యూన్స్ ఇస్తున్నాడు. ఇప్పుడు వకీల్ సాబ్ మూవీకి సంగీతం అందిస్తూ.. మెగా భిమానుల్ని మరోసారి ఆనంద పరవశుల్నిచేయబోతున్నాడు. సామజవరగమన పాటతో అద్భుతమైన క్రేజ్ తెచ్చుకున్న సిధ్ శ్రీరామ్ ‘వకీల్ సాబ్’ చిత్రంలో ని పాటతో ఇంక ఏ స్థాయిలో శ్రోతల్ని ఆకట్టుకుంటాడో చూడాలి
