రవితేజ మూవీ కోసం అంత డిమాండ్ చేసిందా?

డిస్కోరాజా’ మ్యాజిక్ చేయలేకపోయినా..   మాస్ మహారాజా ఇప్పుడు దాని గురించి పట్టించుకొనే పరిస్థితుల్లో లేడు. తదుపరి చిత్రాల్ని ఒకదాని వెంట ఒకటి వరుసగా ట్రాక్ మీద పెట్టే ప్లాన్ తో ఉన్నాడు. ఆల్రెడీ గోపిచంద్ మలినేని ‘క్రాక్’ మూవీ సెట్స్ మీద ఉండగా..  మొన్నామధ్య రమేశ్ వర్మ దర్శకత్వంలో మరో సినిమా లాంఛ్ అయింది. అతి త్వరలో రెగ్యులర్ షూటింగ్ కు వెళ్ళనున్న ఈ సినిమా లో రవితేజ సరసన కథానాయికగా ఎవరు నటించబోతున్నారనే ఆసక్తి ఉంది. దానికి తగ్గట్టుగానే మాస్ మహారాజా కు జోడీగా బాలీవుడ్ బ్యూటీ కియారా అద్వానీని సంప్రదించాడట. అయితే అమ్మడు ఈ సినిమా కోసం భారీ ఎత్తున రెమ్యూనరేషన్ ను కోట్ చేసిందట.

‘భరత్ అనే నేను, వినయవిధేయ రామ’ చిత్రాలతో టాలీవుడ్ లో మెరిసిన కియారా.. ప్రస్తుతం బాలీవుడ్ లో వరుస సినిమాలతో బిజీగాఉంది. ఆ కారణంతో అమ్మడు రవితేజ సినిమాకి డేట్స్ కేటాయించలేనని చెప్పిందట. ఒక వేళ అతడితో నటించాల్సి వస్తే ఆ మూవీ కి రూ. 2కోట్లు పారితోషికం ఇవ్వాల్సిందేనని కచ్చితంగా చెప్పేసిందట. దాంతో దర్శకుడు రమేశ్ వర్మ వేరే కథానాయికను ఎంపికచేయాలనుకుంటున్నాడట. ఒక వెరైటీ థ్రిల్లింగ్ కాన్సెప్ట్ తో తెరకెక్కనున్న ఈ సినిమా రవితేజ ‘సరసన కథానాయికగా ఏ సుందరి ఎంపికవుతుందో చూాడాలి.