టాలీవుడ్ లో మాస్ పల్స్ బాగా తెలిసిన దర్శకుల్లో హరీశ్ శంకర్ ఒకరు. ఏ హీరోను ఏ రేంజ్ లో ఎలివేట్ చేయాలో .. మాస్ కు కావల్సిన అన్ని ఇంగ్రేడియంట్స్ ను తన సినిమాల్లో ఎలా నింపాలో అతడికి బాగా తెలుసు. రీసెంట్ గా వరుణ్ తేజ తో ‘గద్దలకొండ గణేశ్’ ను తెరకెక్కించి సూపర్ హిట్టుకొట్టిన హరీశ్ శంకర్ .. ప్రస్తుతం పవర్ స్టార్ తో మరో సినిమా తెరకెక్కించే ప్రయత్నంలో ఉన్నాడు. ‘గబ్బర్ సింగ్’ తో పవర్ స్టార్ కు మరిచిపోలేని బ్లాక్ బస్టర్ ఇచ్చిన మనోడు.. ఇటీవల పవన్ తో ఒక సినిమా చేయబోతున్నట్టు డిక్లేర్ చేశాడు. మైత్రీమూవీ మేకర్స్ బ్యానర్ లో త్వరలోనే సెట్స్ మీదకు వెళ్ళబోతున్న ఈ సినిమా కు అదిరిపోయే స్ర్కిప్ట్ సమకూర్చేపనిలో ఉన్నాడు హరీశ్ శంకర్.
ఇదిలా ఉంటే.. దీని తర్వాత తాను చేయబోయే మరో సూపర్ మూవీని కూడా అనౌన్స్ చేశాడు హరీశ్ . మెగాస్టార్ చిరంజీవితో తాను ఓ సినిమా చేయబోతున్నానని .. దీని కోసం ఓ బ్రహ్మాండమైన మాస్ సబ్జెక్ట్ ను ప్రిపేర్ చేస్తున్నానని కూడా చెప్పాడు. అన్నీ కుదిరితే ఈ సినిమా వచ్చే ఏడాది సెట్స్ మీదకు వెళ్ళనుంది. చిరు ప్రస్తుతం కొరటాల శివ దర్శకత్వంలో రూపొందుతున్న ‘ఆచార్య’ సినిమా హడావిడిలో ఉన్నాడు. ఈ మూవీ తర్వాత సుకుమార్ తో కానీ పరశురామ్ తో కానీ ఓ సినిమా చేయబోతున్నాడు. దాని తర్వాత హరీశ్ ప్రపోజల్ కు చిరు నుంచి గ్రీన్ సిగ్నల్ వస్తే.. ఆయన 153 సినిమా ఇదే కావచ్చు. మరి అన్నదమ్ములతో హరీశ్ ఎలాంటి సినిమాలు తెరకెక్కిస్తాడో చూడాలి.
