యాంకర్ టర్న్డ్ యాక్ట్రెస్ ..అనసూయ భరద్వాజ్ ప్రస్తుతం అరడజనుకు పైగానే అవకాశాలు దక్కించుకొని ఓ రేంజ్ లో బిజీ అయిపోయింది. కృష్ణ వంశీ ‘రంగమార్తాండ’ (మరాఠీ సినిమా ‘నటసమ్రాట్’ రీమేక్ ) లోనూ, సుకుమార్ అల్లుఅర్జున్ మూవీలోనూ, పవన్ కళ్యాణ్ క్రిష్ మూవీలోనూ కీలకమైన పాత్రల్నే చేయబోతోంది. ఇంకా మరికొన్ని మూవీస్ ను లైన్ లో పెట్టుకుంది అమ్మడు. ఇప్పుడు ఆమె కిట్టీలో మరో చిత్రం కూడా యాడ్ అయింది. విజయ్ దేవరకొండ నిర్మాణంలో తెరకెక్కనున్న రెండో చిత్రంలో కూడా అనసూయ నటిస్తున్నట్టు వార్తలొస్తున్నాయి. అంతేకాదు.. అందులో ఆమె విలన్ గా నటించబోతోందట. ఆల్రెడీ అడివి శేష్ ‘క్షణం’ మూవీలో అనసూయ విలన్ గా ఫుల్ లెంగ్త్ రోల్ ప్లే చేసింది. ఇప్పుడు మరోసారి ఆమె విలన్ గా నటించనుండడం ఆసక్తి రేపుతోంది.
విజయ్ దేవరకొండ ఓన్ ప్రొడక్షన్ హౌస్ కింగ్ ఆఫ్ ది హిల్ ఎంటర్ టైన్ మెంట్స్ బ్యానర్ లో తరుణ్ భాస్కర్ హీరోగా ‘మీకు మాత్రమే చెప్తా’ మూవీ మొదటి ప్రొడక్షన్ గా తెరకెక్కింది. ఇందులో అనసూయ ఒక కీలకమైన పాత్రపోషించిన సంగతి తెలిసిందే. ఇప్పుడు అదే బ్యానర్ లో విజయ్ మరో సినిమాకు సన్నాహాలు చేస్తున్నాడట. హీరో.. ఇతర కేస్టింగ్ ఇంకా ఫైనలైజ్ కాలేదు. ఇందులో కూడా అనసూయకు ఓ ప్రత్యేకమైన పాత్ర ఆఫర్ చేశాడట విజయ్ దేవరకొండ. నెగెటివ్ షేడ్స్ కలిగిన ఒక కన్నింగ్ అండ్ క్రూక్డ్ కేరక్టర్ ను అనసూయ పోషించనుందని సమాచారం. మరి అనసూయ మళ్ళీ విలన్ గా ఏ రేంజ్ లో విజృంభిస్తుందో చూడాలి.
