నటసింహ నందమూరి బాలకృష్ణ, మాస్ డైరెక్టర్ బోయపాటి కలయికలో చిత్రం ప్లానింగ్ లో ఉన్న సంగతి తెలిసిందే. సినిమా లాంఛ్ అయి చాలా రోజులు అవుతున్నా.. ఇప్పటివరకూ రెగ్యులర్ షూటింగ్ కు వెళ్ళనే లేదు. ఎట్టకేలకు ఈ రోజు దానికి ముహూర్తం కుదిరింది. రామోజీ ఫిల్మ్ సిటీలో చిత్రం షూటింగ్ ప్రారంభం అయింది. బాలయ్య మీద ఒక ఫైట్ ను రామ్ లక్ష్మణ్ నేతృత్వంలో చిత్రీకరిస్తున్నారు.
గతంలో వీరిద్దరి కలయికలో వచ్చిన ‘సింహ, లెజెండ్’ చిత్రాలు రెండూ ఘనవిజయం సాధించిన నేపథ్యంలో ఇప్పుడు ఈ సినిమా మీద భారీ అంచనాలు నెలకొన్నాయి. దానికి తోడు బాలయ్య ద్విపాత్రాభినయం చేస్తూండడం.. అందులో ఒక పాత్ర అఘోరా కావడం .. అభిమానుల్లో ఆసక్తి ని రెట్టింపు చేస్తోంది. మిర్యాల రవీంద్రరెడ్డి నిర్మాణ సారధ్యంలో తెరకెక్కుతోన్న ఈ సినిమా కు తమన్ సంగీత దర్శకుడు.
