స్టైలిష్ స్టార్ అల్లు అర్జున్, బ్రిలియంట్ డైరెక్టర్ సుకుమార్ కలయికలో తెరకెక్కుతోన్న మూడో చిత్రం ప్రస్తుతం సెట్స్ మీదున్న సంగతి తెలిసిందే. కరోనా ఔట్ బ్రేక్ వల్ల షూటింగ్ కు బ్రేకిచ్చిన ఈ సినిమా టీమ్ మాత్రం … దీనికి సంబంధిచిన అప్డేట్స్ తో అభిమానులతో టచ్ లోనే ఉంటోంది. శేషాచలం అడవుల బ్యాక్ డ్రాప్ లో ఎర్రచందనం స్మగ్లింగ్ ఇతివృత్తంతో ఇంటెన్స్ యాక్షన్ థ్రిల్లర్ గా తెరకెక్కుతోన్న ఈ సినిమాకు సంబంధించిన ఫస్ట్ లుక్ విత్ టైటిల్ లోగో బన్నీ పుట్టినరోజును పురస్కరించుకొని ఈ రోజు విడుదలైంది. సినిమా పేరు ‘పుష్ప’ .
రఫ్ అండ్ టఫ్ గెడ్డం లుక్ లో బన్నీ అభిమానులను భలేగా ఫిదా చేసేశాడు. ఇంతటి మాసీ లుక్ లో బన్నీ తన సినీ కెరీర్ లోనే ఎప్పుడూ కనిపించలేదు. ఇక పుష్ప అనే టైటిల్ బన్నీకి సంబంధించిందా లేక హీరోయిన్ కు సంబంధించిందా అనే విషయంలో ఇంకా ఎలాంటి క్లారిటీ రాలేదు. అల వైకుంఠపురములో తర్వాత బన్నీ, రంగస్థలం తర్వాత సుక్కూ కలయికలో వస్తోన్న సినిమా అవడంతో దీనిపై రెట్టింపు అంచనాలున్నాయి. మైత్రీ మూవీస్ మేకర్స్ బ్యానర్ లో నిర్మాణం జరుపుకుంటోన్న ‘పుష్ప’ చిత్రం బన్నీకి, సుక్కూకి ఏ రేంజ్ లో క్రేజ్ తెస్తుందో చూడాలి.
