గ్యాంగ్ లీడర్ తర్వాత నానీ సినిమాల లైనప్ షాకిస్తోంది. ప్రస్తుతం ఇంద్రగంటి మోహన్ కృష్ణ వీ చిత్రాన్ని రిలీజ్ కు రెడీ చేసిన నానీ.. ఆ తర్వాత ‘టక్ జగదీష్’ చిత్రాన్ని కూడా ట్రాక్ ఎక్కించేశాడు. అదీ కాక మరో రెండు సినిమాల్ని కూడా లైన్ లో పెట్టుకున్నాడు. అందులో ఒకటి టాక్సీవాలా ఫేమ్ రాహుల్ సాంకృత్యాయన్ సినిమా. ‘శ్యామ్ సింగ రాయ్’ టైటిల్ ను ఫిక్స్ చేసుకున్న ఈ సినిమా ప్రకటన ఈ మధ్యే వచ్చింది. ఇక ఈ సినిమాకి సంబంధించిన ఓ ఆసక్తికరమైన అప్డేట్ టాలీవుడ్ జనానికి షాకిస్తోంది.
తాజా సమాచారం ప్రకారం ‘శ్యామ్ సింగ రాయ్’ చిత్రానికి ఆస్కార్ పురస్కార గ్రహీత ఏ.ఆర్.రహ్మాన్ సంగీతం అందిస్తున్నాడట. చాలా కాలం తర్వాత రహమాన్ తెలుగు సినిమాకి సంగీతం అందిస్తుండడంతో .. ఈ సినిమామీద మంచి అంచనాలు ఏర్పడ్డాయి. అతి త్వరలో సెట్స్ మీదకు వెళ్ళనున్న ఈ సినిమా ట్యూన్స్ .. ఏ రేంజ్ లో శ్రోతల్ని అలరిస్తాయో చూడాలి.
