‘బాహుబలి’ సిరీస్ తో ప్రపంచ వ్యాప్తంగా క్రేజ్ తెచ్చుకున్న దగ్గుబాటి రానా.. అన్ని లాంగ్వేజెస్ ను కవర్ చేస్తూ.. సినిమాల మీద సినిమాలు చేస్తున్నాడు. ప్రస్తుతం తెలుగులో వేణు ఊడుగుల దర్శకత్వంలో నక్సల్స్ బ్యాక్ డ్రాప్ లో ‘విరాటపర్వం’ చిత్రం చేస్తోన్న అతడు.. అదే చేత్తో బాలీవుడ్ లో తమిళ దర్శకుడు ప్రభు సాల్మన్ తెరకెక్కించిన ‘హాథీ మేరే సాథీ’ అనే సినిమాలోనూ నటిస్తున్నాడు. ఈ సినిమా తెలుగు, తమిళ భాషల్లో కూడా విడుదల కానుంది. అడవుల్లో జంతువుల మధ్య పెరిగిన ఒక యువకుడు .. స్వార్దపరులైన మనుషుల మధ్యకొస్తే ఏ విధంగా రియాక్డ్ అవుతాడు? అలాగే.. అడవిలోని జంతువుల్ని, సంపదను కొన్ని దుష్టశక్తులు దోచుకోవడానికి ప్రయత్నిస్తే వారినుండి అడవిని ఎలా కాపాడుకున్నాడు అనే విభిన్న తరహా కాన్పెప్ట్ తో ఈ సినిమా రానుంది.
ఈ రోజు ‘హాథీ మేరే సాథీ’ టీజర్ ను విడుదల చేశారు మేకర్స్. ఏనుగులతో రానా సావాసం.. ఆపై కొన్ని దుష్టశక్తుల ఆగమనం.. వనపుత్రుడైన రానా వారిని ఎదుర్కోవడం టీజర్ లో ప్రధానంగా రివీలయ్యాయి. తమిళ హీరో విష్ణువిశాల్, జోయా హుస్సేన్, శ్రియా పిలగోన్కర్ ముఖ్యపాత్రల్లో నటిస్తోన్న ఈ సినిమా ఏప్రిల్ 2న ప్రపంచ వ్యాప్తంగా విడుదల కానుంది. త్వరలోనే తెలుగు, తమిళ టీజర్స్ ను కూడా విడుదల చేయబోతున్నారు నిర్మాతలు. మరి వనపుత్రుడుగా రానా ఏ తరహా లో జనాన్ని మెప్పిస్తాడో చూడాలి.
టీజర్ కోసం కింది లింక్ మీద క్లిక్ చేయండి.
https://www.youtube.com/watch?v=K7XsOqESQ70&feature=emb_logo
