సరికొత్త కథాంశాలతో నవతరం దర్శకులు ప్రేక్షకుల్ని ఆకట్టుకొనే ప్రయత్నం చేస్తున్నారు. కొత్త హీరోలతో ఆ తరహా ప్రయోగాలు చేయడంలో చాలా మంది న్యూజెన్ కుర్రోళ్ళు దర్శకులుగా సక్సెస్ అయ్యారు. ఆ తరహా చిత్రమే ‘కృష్ణ అండ్ హిజ్ లీల’. ‘క్షణం’ చిత్రంతో అడివి శేష్ కెరీర్ కు మంచి బూస్టప్ నిచ్చిన రవికాంత్ పేరెపు ఈ సినిమాకి దర్శకుడు. సిద్ధూ జొన్నలగడ్డ హీరోగా .. తన తొలి చిత్రానికి పూర్తి భిన్నంగా ఈ సినిమాను రూపొందించాడు రవికాంత్. ఇక ఈ సినిమా టీజర్ ను ఈ రోజు విడుదల చేశారు సురేశ్ ప్రొడక్షన్స్ వారు.
“నా పేరు కృష్ణ. నాకో ప్రాబ్లెం ఉంది” అంటూ హీరో సిద్దు తన గురించి ఇంట్రో ఇవ్వడంతో టీజర్ ఆరంభం అవుతుంది. ఇంతకీ అతడి ప్రోబ్లెమ్ ఏంటంటే.. అమ్మాయిలకు లిప్ లాక్స్ కురిపించడమే . పేరుకు తగ్గట్టుగానే ఆ కుర్రోడు అందరితోనూ చాలా రొమాంటిక్ గా బిహేవ్ చేస్తుంటాడు. శ్రద్ధా శ్రీనాథ్, సీరత్ కపూర్, షాలిని వడ్నికట్టి లాంటి అందగత్తెలతో కృష్ణ రొమాన్స్ ఓ రేంజ్ లో ఉండనుందని టీజర్ ను చూస్తుంటేనే అర్ధమవుతుంది. మరి క్షణం లాంటి సూపర్ థ్రిల్లర్ ను అందించిన రవికాంత్ పేరెపు .. ఈ రొమాంటిక్ మూవీతో ఏ రేంజ్ సక్సెస్ అందుకుంటాడో చూడాలి.
టీజర్ కోసం కింది లింక్ పై క్లిక్ చేయండి.
https://www.youtube.com/watch?time_continue=3&v=XXtv625rD7A&feature=emb_logo
