మలయాళ యంగ్ సూపర్ స్టార్ దుల్కర్ సల్మాన్ , తెలుగమ్మాయి రీతూ వర్మ జంటగా నటించిన ప్రేమ కథా చిత్రం ‘కనులు కనులను దోచాయంటే’. దేశింగ్ పెరియసామి దర్వకత్వంలో తమిళంలో తెరకెక్కుతోన్న ‘కణ్ణుమ్ కణ్ణుమ్ కొల్లయడిత్తాల్’ చిత్రానికిది డబ్బింగ్ వెర్షన్ . వయాకామ్ 18 స్టూడియోస్, ఆంటో జోసెఫ్ ఫిల్మ్ ఫ్యాక్టరీ సంయుక్తంగా నిర్మిస్తోన్న ఈ సినిమా తెలుగు హక్కుల్ని కేయఫ్ సీ ఇంటర్నేషనల్ సంస్థ తీసుకుంది. ఫిబ్రవరి 28న రిలీజ్ డేట్ లాక్ చేసుకున్న ఈ సినిమా ఫస్ట్ సింగిల్ ను ఈ మధ్యే విడుదల చేసిన మేకర్స్ .. ఈ రోజు ఈ చిత్రంలోని సెకండ్ సింగిల్ చెరొక్కటో మరొక్కటో అంటూ సాగే యూత్ ఫుల్ వీడియో సాంగ్ ను విడుదల చేశారు. స్విమ్మింగ్ పూల్ లో దుల్కర్ హుషారు గా చిందేస్తున్న ఈ పాట ప్రస్తుతం యూ ట్యూబ్ లో వైరల్ గా మారింది.
మసాలా కాఫీ సంగీతం అందించిన ఈ బాణీకి సామ్రాట్ నాయుడు లిరిక్స్ రాశాడు . కాగా.. ఈ పాటను హర్షవర్ధన్ రామేశ్వర్ ఆలపించాడు. ఇక ఈ సినిమా లో తమిళ స్టైలిష్ డైరెక్టర్ గౌతమ్ మీనన్ విలన్ గా నటించనుండడం ఆసక్తి రేపుతోంది. ఇక ఈ సినిమా మలయాళంలోనూ విడుదల కానుంది. మరి ఈ మూవీ దుల్కర్ సల్మాన్ కు ఏ రేంజ్ లో పేరు తెచ్చిపెడుతుందో చూడాలి.
వీడియో సాంగ్ ను వీక్షించడానికి ఈ కింది లింక్ మీద క్లిక్ చేయండి.
https://www.youtube.com/watch?v=Z2h_64z_MUk&feature=youtu.be
