కన్నడ స్టార్ యశ్ హీరోగా ప్రశాంత్ నీల్ దర్శకత్వంలో పాన్ ఇండియా మూవీగా మ్యాజిక్ చేసిన చిత్రం ‘కేజీయఫ్’. అఖండ విజయం సాధించిన నేపథ్యంలో ఈ సినిమా సీక్వెల్ ను కూడా ట్రాక్ ఎక్కించేశాడు దర్శకుడు. ‘కేజీఎఫ్2’ గా ఈ ఏడాది జూలై30న రిలీజ్ డేట్ లాక్ చేసుకున్న ఈ సినిమా ను కూడా పాన్ ఇండియా మూవీగా ప్రజెంట్ చేయడానికి దర్శకుడు ప్రశాంత్ నీల్ వివిధ భాషలనుంచి వెర్స్ టైల్ యాక్టర్స్ ను స్ర్కీన్ మీదకు తీసుకొస్తున్నాడు. ఆల్రెడీ ఈ సినిమాలో విలన్ గా బాలీవుడ్ నటుడు సంజయ్ దత్ నటిస్తుండగా.. మరో ముఖ్యపాత్రలో రవీనాటండన్ నటిస్తోంది.
ఇక లేటెస్ట్ గా ఈ సినిమాలో టాలీవుడ్ విలక్షణ నటుడు రావు రమేష్ కూడా నటిస్తున్నట్టు దర్శకుడు ప్రశాంత్ నీల్ తన ట్విట్టర్ అకౌంట్ ద్వారా తెలియజేశాడు. ఎలాంటి పాత్రనైనా తనదైన శైలిలో ఓన్ చేసుకొని దానికి జీవం పోసే రావు రమేశ్ ..‘కేజీఎఫ్ 2’ లో ఎంపికయ్యాడంటే.. అందులో ఆయన పాత్ర కచ్చితంగా కీలకమైనదై ఉంటుందని చర్చించుకుంటున్నారు సినీవర్గాల వారు. మరి ‘కేజీఎఫ్2’ చిత్రానికి రావు రమేష్ ప్రజెన్స్ ఏ మేరకు అడ్వాంటేజ్ గా మారుతుందో చూడాలి.
