దర్శకధీరుడు రాజమౌళి ప్రతిష్ఠాత్మకంగా తెరకెక్కిస్తోన్న యన్టీఆర్, రామ్ చరణ్ క్రేజీ మల్టీస్టారర్ ఆర్.ఆర్.ఆర్ ప్రస్తుతం కొన్ని ముఖ్యమైన సన్నివేశాల చిత్రీకరణలో ఉంది. లాంచింగ్ టైమ్ లోనే జూలై30న విడుదల తేదీ లాక్ చేసుకున్న ఈ సినిమా.. ఆ డేట్లో రిలీజ్ అవడం కష్టమని చెప్పుకుంటున్నారు. ‘ఆర్.ఆర్.ఆర్’ టీమ్ నుంచి ఎలాంటి కన్ఫర్మేషన్ రాకపోయినప్పటికీ.. సినిమా విడుదల వాయిదా అనివార్యమని అంటున్నారు. అయినా సరే.. ఆ సినిమా సెట్ చేసుకున్న విడుదల తేదీలో ఇంతవరకూ వేరే సినిమాలేవీ విడుదల తేదీని ప్రకటించలేదు. అయితే .. అదే రోజు న ఒక సినిమా రానుందని వార్తలు వినిపిస్తున్నాయి.
యశ్ హీరోగా కన్నడలో తెరకెక్కిన పాన్ ఇండియా మూవీ ‘కే.జీ.ఎఫ్’ మొదటి భాగం సంచలన విజయం సాధించిన సంగతి తెలిసిందే. ఆ సినిమాకిప్పుడు రెండో భాగం తెరకెక్కుతోంది. అయితే ఈ సినిమా జూలై 30న విడుదలకు సన్నాహాలు జరుగుతున్నాయని శాండిల్ వుడ్ సమాచారం. ఆ రోజు ఇతర సినిమాలేవీ రాకపోవడం తో పాటు.. ఇది పాన్ ఇండియా కేటగిరిలో విడుదల కానున్న సినిమా కాబట్టి… కేజీఎఫ్ ఆ రోజున విడుదలవడం పక్కా అంటున్నారు. మరి ఆర్.ఆర్.ఆర్ నిజంగానే విడుదలను వాయిదా వేసుకుంటుందా..? అదే రిలీజ్ డేట్లో కేజీఎఫ్ 2 రిలీజ్ అవుతుందా ? అన్న విషయంలో ఇంకా క్లారిటీ రాలేదు.
