టాలీవుడ్ లో ఒకప్పుడు దర్శకుడు తేజ ట్రెండ్ సెట్టర్. ప్రత్యేకించి ప్రేమకథా చిత్రాలు తీయడంలో ఆయన చెయితిరిగిన దర్శకుడు. వెరైటీ టైటిల్స్ పెట్టడంలో కూడా ఆయనది ప్రత్యేకమైన శైలి. ‘నువ్వు నేను, జయం, నీకు నాకూ డ్యాష్ డ్యాష్ , ఔనన్నా కాదన్నా, 1000 అబద్ధాలు‘ .. ఇలా వైవిధ్యమైన టైటిల్స్ తో యూత్ ను ఆకట్టుకున్న ఆయన ఈ తరం ప్రేక్షకుల కోసం కూడా అంతే వెరైటీ టైటిల్స్ తో వస్తున్నాడు. త్వరలో రానాతో తెరకెక్కించబోయే సినిమా కోసం .. ‘రాక్షసరాజ్యంలో రావణాసురుడు’ అనే టైటిల్ ను రిజిస్టర్ చేయించిన తేజ.. ఆ తర్వాత గోపీచంద్ హీరోగా ఒక సినిమా రూపొందించనున్నాడు. ఈ మూవీకి కూడా ఒక ఇన్నోవేటివ్ టైటిల్ ను ఖాయం చేయబోతున్నాడని టాక్.
గోపీచంద్ ను జయం, నిజం చిత్రాలతో విలన్ గా సరికొత్త గా ప్రజెంట్ చేసిన తేజ.. అతడే హీరో గా త్వరలో తెరకెక్కించబోయే ఓ వెరైటీ లవ్ స్టోరీ కోసం ‘అలివేలు – వెంకటరమణ’ అనే వెరైటీ టైటిల్ ను రిజిస్టర్ చేయించాడట. ఈ సినిమా కోసం న‌టీన‌టుల్ని, సాంకేతిక నిపుణుల్నీ ఎంపిక చేసుకునే ప‌నిలో బిజీగా ఉన్నాడు తేజ. రానా సినిమా పూర్త‌య్యాకే.. గోపీచంద్ సినిమాపై ఫోక‌స్ పెడ‌తాడట. అయితే ఇందులో వెంకటరమణ గోపీచంద్ అని తెలుస్తోంది . మరి అలివేలు గా ఏ కథానాయిక నటించనుందో చూడాలి.
