హర్షవర్ధన్ , గుండు హనుమంతరావు , నారిపెద్ది , వాసు ఇంటూరి ముఖ్యపాత్రలు పోషించిన సూపర్ హిట్ సీరియల్ ‘అమృతం’. 2002లో ప్రసారం ప్రారంభించి .. ఆ తర్వాత చాలా ఏళ్ళపాటు కొనసాగింది. అప్పట్లోనే పూర్తయిపోయిన ఈ సీరియల్ ను .. ఆ తర్వాత పలు టీవీ ఛానల్స్ తిరిగి ప్రసారం చేసి .. అప్పుడు కూడా బాగానే రేటింగ్ తెచ్చుకున్నాయి. సోషల్ మీడియా , టెక్నాలజీ అంతగా లేని ఆ రోజుల్లోనే ఈ సీరియల్ అంత హిట్టయిందంటే.. మరి ఈ ట్రెండ్ లో మళ్లీ ప్రారంభమైతే అదిరిపోతుంది కదూ. అందుకే అదే నిర్మాత గుణ్ణం గంగరాజు .. అమృతం 2 ను త్వరలోనే ప్రసారం చేయబోతున్నారు.
బిగినింగ్ లో శివాజీరాజా హీరోగా ప్రారంభమైన అమృతం సీరియల్ లో .. ఆ తర్వాత కొంతకాలానికి నరేశ్ హీరోగానూ, ఆ తర్వాత హర్షవర్ధన్ హీరోగానూ… మధ్యలో కొన్నాళ్ళు శ్రీనివాస్ అవసరాల హీరోగా నటించారు. కానీ మిగతా పాత్రలు మాత్రం యాజిటీజ్ గానే కొనసాగాయి. అయితే ఇప్పుడు ప్రారంభం కానున్న ‘అమృతం 2’ లో మాత్రం అవే పాత్రలుంటాయి. కాకపోతే.. గుండు హనుమంతరావు మరణించడంతో .. ఆయన ప్లేస్ లోకి కొత్తగా ఎల్.బీ శ్రీరామ్ రాబోతున్నాడు. హీరోగా హర్షవర్ధనే నటించబోతుండడంతో ఈ సీరియల్ రెండో భాగం కూడా మొదటి భాగం స్థాయిలోనే సక్సెస్ అవుతుందనే నమ్మకంతో ఉన్నారు. జీ 5 లో త్వరలో స్ట్రీమింగ్ కానున్న అమృతం సీరియల్ .. ఈసారి ఏ స్థాయిలో మెప్పిస్తుందో చూడాలి.
