కన్నడ యంగ్ డైనమైట్ యశ్ హీరోగా.. ప్రశాంత్ నీల్ దర్శకత్వంలో తెరకెక్కుతోన్న పాన్ ఇండియన్ మూవీ ‘కేజీఎఫ్ 2’. అన్ని భాషల్లోనూ అఖండ విజయం సాధించిన ‘కేజీఎఫ్’ చిత్రానికిది సీక్వెల్ అన్న సంగతి తెలిసిందే. మొదటి భాగం కన్నా మరింత ఎక్కువ బడ్జెట్ తో నిర్మాణం జరుపుకుంటోన్న ఈ సినిమాకోసం పలువురు బాలీవుడ్ నటీనటుల్ని రంగంలోకి దింపాడు దర్శకుడు. సంజయ్ దత్ విలన్ గానూ, మరో ముఖ్యమైన పాత్రను రవీనా టండన్ నటిస్తూండగా… శ్రీనిధి శెట్టి కథానాయికగా ఇందులోనూ కంటిన్యూ అవుతోంది.
ఇక ఈ సినిమా కు సంబంధించిన ప్రచార కార్యక్రమాల్ని త్వరలోనే ప్రారంభించబోతున్న మేకర్స్ .. చిత్రం విడుదల తేదీని రీసెంట్ గా కన్ఫర్మ్ చేశారు. ‘కేజీఎఫ్ 2’ చిత్రాన్ని అక్టోబర్ 23న విడుదల చేయబోతున్నట్టు యశ్ తన ట్విట్టర్ పేజ్ లో ఒక పోస్టర్ తో ట్వీట్ చేశాడు. బంగారు గనుల నేపథ్యంలో మొదటి భాగాన్ని అద్భుతమైన రీతిలో తీర్చిదిద్దిన దర్శకుడు.. రెండో భాగం కోసం మరో షాకింగ్ ఎలిమెంట్ ను తీసుకున్నట్టు తెలుస్తోంది. మరి కేజీఎఫ్ రెండో భాగం కూడా మొదటి భాగం లాగానే సంచలనం సృష్టిస్తుందేమో చూద్దాం.
